ព័ត៌មានថ្មីៗ

Wednesday, February 19, 2014

អាហារ១០ប្រភេទមានគុណប្រយោជន៍ខ្ពស់ជួយឲ្យស្បែកស្រស់ថ្លា!

6:55 PM

Im Tola

ប្រភពពី Sabay:

ផ្សាយក្នុងផ្នែក សុខភាពនិងសម្រស់ ដោយ chen.narin កាលពី 17 hours ago Comment(s)

ចង់មានស្បែកស្រស់ថ្លា គឺជាចំណុចមួយសំខាន់ផងដែររបស់មនុស្សទូទៅជាពិសេសសម្រាប់មិត្តយុវវ័យចង់បានក្នុងការជួយបង្កើនសម្រស់របស់ខ្លួន ក៏ដូចជាការជួយបង្កើនភាពទាក់ទាញផងដែរពីសាធារណជនទូទៅ។ ក៏ប៉ុន្តែ រឿងមួយដែលត្រូវចោទសួរនៅពេលនេះគឺថា តើគួរតែទទួលទានអាហារអ្វីខ្លះទើបទទួលបានលទ្ធផលល្អប្រសើរស្របតាមបំណងប្រាថ្នារបស់ខ្លួនដូចខាងលើនេះ?
ខាងក្រោមនេះគឺជាប្រភេទអាហារសំខាន់ៗចំនួន១០ប្រភេទ ដែលត្រូវបានគេរកឃើញថាមានគុណប្រយោជន៍សំខាន់បំផុតក្នុងការជួយរក្សាស្បែកឲ្យស្រស់ស្អាត៖
១ គ្រាប់ធញ្ញជាតិ
ប្រិយមិត្តដែលចង់ឲ្យស្បែកស្អាត ត្រូវពូកែជ្រើសរើសគ្រាប់ធញ្ញជាតិទាំងមូលមកទទួលទាន ព្រោះថា គ្រាប់ធញ្ញជាតិដែលមិនត្រូវបំបែក វានឹងផ្ទុកសារធាតុចិញ្ចឹមអុកស៊ីតកម្មខ្ពស់ សម្រាប់ប្រឆាំងទៅនឹងការខូចខាតកោសិកាស្បែក។

សូមចុចអាន៖ ទទួលទានអ្វីខ្លះទើបអាចកាត់បន្ថយសំពាធឈាមនៅក្នុងខ្លួនបាន?

២ ទឹកដោះពពែ
ទឹកដោះពពែមានផ្ទុកសារធាតុអាស៊ីដ ឡាក់ទិក ជាប្រភពដ៏សំខាន់នៃជាតិវីតាមីន A និង E ។ ទន្ទឹមនឹងនេះ វាក៏មានផ្ទុកទៅដោយអាស៊ីដ Caprylic សម្រាប់ជួយធ្វើឲ្យកម្រិតpH នៅក្នុងខ្លួនចុះទាម ដែលមានសារសំខាន់សម្រាប់ការពារពីមេរោគបាក់តេរីផ្សេងៗ។

៣ គ្រាប់សណ្ដែកដី
គ្រាប់សណ្ដែកដីជាប្រភពដ៏អស្ចារ្យនៃជាតិវីតាមីនE ដែលជួយធ្វើឲ្យស្បែកមានសំណើម និងការពារពីការបំផ្លាញដោយពន្លឺព្រះអាទិត្យ។

សូមចុចអាន៖ វិធីសាមញ្ញៗទាំង៨ដែលជួយឲ្យមានសុខភាពល្អ គេចផុតពីជំងឺផ្សេងៗ!

៤ ប៊័រ (Shea Butter) 
ប៊័រត្រូវបានគេប្រើប្រាស់ជាទូទៅសម្រាប់ប្រយុទ្ធប្រឆាំងទៅនឹងភាពជ្រីវជ្រួញនៅលើស្បែក។ ក្រៅពីនេះ វាគឺជាភ្នាក់ងារមួយជួយឲ្យស្បែកមានសំណើមជាប្រចាំ និងអាចស្រូបយកចំហាយវិទ្យុសកម្មពីកាំរស្មី UV ទៀតផង។

៥ បន្លែស្រស់
បន្លែជាទូទៅគឺជាប្រភពដ៏សំខាន់ដែលផ្ទុកសារជាតិវីតាមីន A ខ្ពស់ជួយរក្សាស្បែកឲ្យស្រស់ស្អាតនិងក្មេងដដែល។

៦ ស្រូវសាឡី
សារធាតុដ៏សំខាន់មួយទៀតជួយឲ្យស្បែកស្រស់ស្អាតគឺមាននៅក្នុងស្រូវសាឡី ត្បិតអីស្រូវសាឡីផ្ទុកទៅដោយសារធាតុម្សៅមួយប្រភេទជួយឲ្យស្បែកមានសំណើម និងការពារពីរការរំខាននានាមកលើស្បែក ព្រមទាំងប្រឆាំងទៅនឹងបាក់តេរីផ្សេងៗ ទៀតផង។

សូមចុចអាន៖ អាហារ ៤មុខ ប្រសិទ្ធិភាពខ្ពស់ ជួយបង្កើនសម្រស់ អ្នកអាចមិនដឹង!

៧ ផ្លែក្រូច
ផ្លែក្រូចមានផ្ទុកវីតាមីនC ដែលមានគុណប្រយោជន៍យ៉ាងមហាសាលសម្រាប់ជួយផ្ដល់សារធាតុចិញ្ចឹម ជួយឲ្យស្បែកស្រស់ថ្លា និងផ្តល់វីតាមីនសម្រាប់រក្សាទម្រង់ស្បែកឲ្យលូតលាស់ល្អ។

៨ ស៊ុត
អ្នកមិនត្រូវមើលរំលងស៊ុតសត្វនោះឡើយ ពីព្រោះថាវាពិតជាមានផ្ទុកប្រូតេអ៊ីនសំខាន់ៗចំនួន ៤០ប្រភេទ សម្រាប់ជួយឲ្យស្បែកជួសជុលកោសិកាចាស់ៗដោយខ្លួនឯង និងជាប្រភពមួយរួមចំណែកដល់សុខភាពស្បែក និងធ្វើឲ្យក្រចកលូតលាស់បានល្អ។

៩ អាហារសមុទ្រ
ដើម្បីកាត់បន្ថយភាពស្ងួត និងការរលាក់នៅលើស្បែក គេពិតជាត្រូវការទទួលទានអាហារដែលមានសារធាតុ អូមីកា ៣។ សារធាតុនេះមានច្រើនបំផុតនៅក្នុងអាហារសមុទ្រ ដូចជា ក្ដាមសមុទ្រ ងាវ បង្កង ជាដើមដែលប្រឆាំងទៅនឹងរោគសើស្បែក។

សូមចុចអាន៖ គ្រោះថ្នាក់១០យ៉ាងនៅពីក្រោយការអង្គុយធ្វើការច្រើនម៉ោង

១០ ទឹកឃ្មុំ
ការទទួលទានទឹកឃ្មុំសុទ្ធជួយប្រមូលផ្តុំជាតិសំណើម និងរក្សាស្បែកឲ្យស្រស់រលោង ព្រមទាំងជាភ្នាក់ងារយ៉ាងពិសេសមួយជួយប្រយុទ្ធប្រឆាំងទៅនឹងបាក់តេរីទៀតផង៕

ប្រែសម្រួល៖ Narin
ប្រភព និងរូបភាព៖ health.howstuffworks

Isola Bella កោះដែលមានសួនច្បារស្រស់ស្អាតបំផុតនៅអ៊ីតាលី

6:50 PM

Im Tola

ប្រភពពី Sabay

ផ្សាយក្នុងផ្នែក Sabay ទស្សនាចរ ដោយ svay.vanthan កាលពី 5 days ago 3 Comment(s)

Isola Bella ជាកោះមួយពោរពេញទៅដោយទេសភាពសួនច្បារយ៉ាងស្រស់បំព្រង ស្ថិតនៅក្នុងតំបន់កោះ Borromean ភាគខាងជើងនៃប្រទេសអ៊ីតាលី ដែលមានចម្ងាយត្រឹមតែ ៤០០ម៉ែត្រ ពីទីក្រុង Stresa។ កោះនេះគឺជាសម្បត្តិធម្មជាតិដែលត្រូវបានកែច្នៃឲ្យកាន់តែស្រស់ត្រកាលថែមទៀតក្នុងសតវត្សទី១៧ ហើយទីនេះតែងតែជាតំបន់ទេសចរណ៍ដ៏ទាក់ទាញបំផុតក្នុងចំណោម ទីកន្លែងផ្សេងៗទៀតនៅជុំវិញបឹង Maggiore។

អ្វីដែលធ្វើឲ្យ Isola Bella ក្លាយជាគោលដៅដ៏ពេញនិយមនោះគឺ រាជវាំង Baroque និងសួនច្បារបែបអ៊ីតាលីដ៏ស្រស់បំព្រង។ ផ្នែកជាច្រើននៃ រាជវាំងនេះ ត្រូវបានបើកចំហសម្រាប់អ្នកទស្សនា រួមជាមួយបន្ទប់តាំងពិព័រណ៍ដែលត្រូវបានតុបតែងលម្អដោយស្នាដៃសិល្បៈដ៏មានតម្លៃជាច្រើន។

អាន៖ រមណីយដ្ឋាន Huacachina តំបន់ទេសចរណ៍ល្បីកណ្ដាលសមុទ្រខ្សាច់

សួនច្បារនៅទីនោះ គឺពោរពេញទៅដោយផ្កាចម្រុះពណ៌ និងរុក្ខជាតិកម្រៗ ជាច្រើន ដែលអាចដុះលូតលាស់បានដោយសារអាកាសធាតុអំណោយផលក្នុងតំបន់ Borromean Gulf។ សួនច្បារដ៏ស្រស់ស្អាតនេះដែរ ក៏ត្រូវបានតុបតែងលម្អបន្ថែមទៀត ជាមួយនឹងស្រះទឹក កន្លែងបាញ់ទឹក រួមទាំងរូបចម្លាក់ជាច្រើន ដែលមានអាយុកាលតាំងពីសតវត្សទី១៧។ ក្ងោកសជាច្រើននៅលើវាលស្មៅក៏បានធ្វើឲ្យទីនោះកាន់តែទាក់ទាញមួយកម្រិតទៀត។
នៅជុំវិញរាជវាំង និងសួនច្បារនេះ ក៏មានភោជនីយដ្ឋាន និងហាងលក់វត្ថុអនុស្សាវរីយ៍ជាច្រើនផងដែរ។

អាន៖ ទីក្រុងតូចៗទាំង ១០ របស់អ៊ីតាលីដែលគួរឲ្យចង់ទៅលេង

ទស្សនាទិដ្ឋភាពស្អាតៗបន្ថែមទៀតពីកោះ Isola Bella៖

យ៉ាងណាដែរប្រិយមិត្ត ស្រស់ស្អាតទេរមណីយដ្ឋានមួយនេះ?
ប្រែសម្រួល៖ វ៉ាន់ថន
ប្រភព៖ illagomaggiore

Wednesday, February 12, 2014

ថ្ងៃទិវានៃសេចក្ដីស្រឡាញ់ត្រៀមទៅរមណីយដ្ឋានណាខ្លះមិត្តយើង?

10:08 PM

Im Tola

ថ្ងៃទិវានៃសេចក្ដីស្រឡាញ់ត្រៀមទៅរមណីយដ្ឋានណាខ្លះមិត្តយើង? Trackback

ផ្សាយក្នុងផ្នែក Sabay ទស្សនាចរ ដោយ bin.bunna កាលពី 1 hour ago 0 Comment(s)

រំលងរាត្រីនេះទៅ ទិវានៃសេចក្ដីស្រឡាញ់នឹងមកដល់ហើយ ហើយក៏ចំថ្ងៃឈប់សម្រាក នៃពិធីបុណ្យមាឃបូជាដែរ។ ដូច្នេះមានមិត្តយុវវ័យខ្លះអាចនឹងមានគម្រោងដើរកម្សាន្តទៅកាន់រមណីយដ្ឋានមួយចំនួនក្នុងព្រះរាជាណាចក្រកម្ពុជា ហើយមួយចំនួននៅបន្តធ្វើការ ដោយមិនបានឈប់សម្រាកនោះទេ ហើយខ្លះក៏មិនមានដំណើរកម្សាន្តទៅតំបន់ណាដែរ ប៉ុន្តែអាចកម្សាន្តបាននៅតំបន់មួយចំនួនក្នុងរាជធានីស្រាប់។

សូមចុចអាន៖ ក្មេងសោះចេះនាំភ្ញៀវ នៅតំបន់ទេសចរណ៍ភ្នំកំពង់ត្រាច

ដោយសារព្រះរាជាណាចក្រកម្ពុជាសម្បូរតំបន់រមណីយដ្ឋាន ដូច្នេះខាងក្រោមនេះ គឺជាតំបន់រមណីយដ្ឋានមួយចំនួន នៅក្នុងខេត្ត ដែលជាជម្រើសខ្លះសម្រាប់មិត្តយុវវ័យ តើក្នុងចំណោមរមណីយដ្ឋានខាងក្រោមនេះ មួយណាជាទីពេញចិត្តរបស់មិត្ត? ហើយប្រសិនបើតំបន់រមណីដ្ឋានខាងក្រោមនេះ មិនត្រូវនឹងចំណង់ចំណូលចិត្តទេ សូមផ្ដល់ Comment បន្ថែម ដោយប្រាប់ពីទីតាំងមិត្តយុវវ័យចង់ទៅកម្សាន្ដនៅថ្ងៃទិវានៃសេចក្ដីស្រឡាញ់ ថា តើទៅជាមួយនរណាខ្លះ? ហេតុអ្វីជ្រើសរើសតំបន់នោះ?
ប្រភពពី Sabay:

ទីបំផុតក្រុមស្រីស្អាតទាំង ៥ Firestorm ធ្វើបានសម្រេចហើយ!

9:42 PM

Im Tola

ប្រភពពី sabay:ទីបំផុត ក្រុមនារីឆ្នើម Power Girls ទទួលបានកៅអីទៅបង្ហាញសមត្ថភាពប្រយុទ្ធប FireStorm នៅលើឆាក NYC 2014 (New Year Championship) ដូចក្តីប៉ងប្រាថ្នាហើយ បន្ទាប់ពីផ្តួលក្រុមខ្លាំងៗជាច្រើននៅ G WorldWeb ក្នុងយុទ្ធនាការប្រកួតស្វែងរកជើងខ្លាំងតាមណិតនានា ដើម្បីចម្រាញ់រកក្រុមខ្លាំងតំណាងទៅចូលរួមនៅ NYC 2014។

ឆ្លងកាត់ការរងបរាជ័យជាបន្តបន្ទាប់ និងដោយមានការប្រឹងប្រែងយ៉ាងខ្លាំងក្លា ក្រុមនារីឆ្នើម Power Girls ចុងក្រោយក៏អាចរកឃើញលទ្ធផលដែលខ្លួនចង់បានដ៏គួរឲ្យភ្ញាក់ផ្អើល។

អាន៖ ក្រុមនារីឆ្នើម Power Girls ចាញ់ទៀតហើយរសៀលនេះ!

លទ្ធផលប្រកួតនៅ G WorldWeb
វគ្គប្រកួតជុំទីមួយ
No	Team Name	Result	VS	Result	Team Name
1	Shock	5	VS	0	Team Sre
2	Hit	0	VS	5	NovSter
3	WinWin	0	VS	5	PowerGirls
4	Striker	5	VS	0	G Member
វគ្គពាក់កណ្ដាលផ្ដាច់ព្រ័ត្រ (Semi-Final)
1	Shcock	5	VS	0	NovSter
2	Power Girls	5	VS	1	Striker
វគ្គផ្ដាច់ព្រ័ត្រ
1	Shock	0	VS	5	PowerGirls

បន្ទាប់ពីសម្រេចក្ដីសង្ឃឹមនៅត្រឹមណិតទី ៦ គឺ G WorldWeb ក្រុមនារីឆ្នើម Power Girls បានបង្ហាញអារម្មណ៍ដ៏រំភើបប្រាប់ Sabay ទាំងញញឹមបិទមាត់មិនជិតថា៖ “ពិតជាសប្បាយនិងរំភើបមែនទែនបង ដែលបានសម្រេចដូចបំណងប្រាថ្នានៅពេលនេះ”។
លទ្ធផលនៅថ្ងៃនេះ បានបង្ហាញថា ការព្យាយាមរបស់ Power Girls កន្លងមកពិតជាមានន័យណាស់។
“ខ្ញុំបានប្រឹងប្រែងខ្លាំងណាស់ និងក៏តស៊ូណាស់ដែរ។ ទម្រាំអាចសម្រេចបានលទ្ធផលបែបនេះក៏ពិបាកណាស់ដែរ។ ប៉ុន្តែដោយសារតែទទួលបទពិសោធន៍ប្រកួតកន្លងមក ទើបធ្វើឲ្យក្រុមខ្ញុំអាចស្វែងរកជ័យជំនះបានយ៉ាងជោគជ័យ”។ នេះជាការអះអាងរបស់ក្រុម Power Girl។
ជាមួយនឹងជ័យជម្នះចំណាត់ថ្នាក់លេខ ១ ប្រចាំណិត G WorldWeb នេះ Power Girls បានបង្កភាពភ្ញាក់ផ្អើលយ៉ាងខ្លាំងដល់បណ្ដាប្រិយមិត្តអ្នកប្រយុទ្ធ ក្នុងពិភពសេវាកម្សាន្ត FireStorm ដោយបានបំបាក់ដៃគូប្រកួតក្នុងលទ្ធផលមិនធម្មតាដែលមិនបានផ្ដល់ ឱកាសឲ្យដៃគូបានតដៃឡើយ ទោះនៅវគ្គប្រកួតផ្ដាច់ព្រ័ត្រក៏ដោយ ពោលគឺ ៥ ទល់នឹង ០ តែម្ដង លើកលែងតែដៃគូសងសឹកក្រុម Striker មួយប៉ុណ្ណោះដែលអាចតដៃបានមួយពិន្ទុពីក្រុម Power Girls នៅវគ្គពាក់កណ្ដាលផ្ដាច់ព្រ័ត្រ។

ជយលាភីលេខ ១ នៅណិត G WorldWeb ក្រុម Power Girls

សមាជិកក្រុម Power Girls ទាំងអស់រួមមាន Im_Gz_Girl (ប្រធានក្រុម), Mini_Panda, Huni_YongII, Fire_Fighter និង Belly_D ក៏បានបន្តអរគុណដល់មិត្តភ័ក្ដិ ក៏ដូចជាអ្នកកម្សាន្ត FireStorm ដែលតែងតែបានគាំទ្រ និងផ្ដល់កម្លាំងចិត្តដល់ពួកគេតាំងពីបើកការប្រកួតដំបូងមក។

អាន៖ ម្សិលមិញហ៊ោផ្អើល Sector 7!

“ពួកខ្ញុំសូមអរគុណដល់មិត្តភ័ក្ដិអ្នកប្រកួត រួមទាំងអ្នកកម្សាន្ត FireStorm ទាំងអស់ ដែលបានគាំទ្រនិងផ្ដល់កម្លាំងចិត្តដល់ Power Girls តាំងពីដំបូងមក ជាពិសេសគឺអ្នកកម្សាន្តមុនៗទាំងអស់ដែលមានបទពិសោធន៍ច្រើនក្នុងសេវាកម្សាន្ត FireStorm ដែលបានបង្ហាត់បង្រៀន និងប្រាប់ពីយុទ្ធសាស្ត្រល្អៗសម្រាប់យកមកប្រើប្រាស់ក្នុងការប្រកួត ។ បើកគ្មានកម្លាំងចិត្តពីមិត្តភ័ក្ដិទាំងអស់គ្នាទេ Power Girls ប្រហែលជាអាចនឹងបោះបង់ការប្រកួតតាំងពីបរាជ័យលើកទី ៣ មកម៉្លេះ ហើយក៏គ្មានសិទ្ធទទួលបានកៅអីទៅប្រកួតបន្តនៅក្នុងព្រឹត្តិការណ៍ប្រកួតប្រចាំឆ្នាំដ៏ធំ NYC ដែលរៀបចំឡើងដោយក្រុមហ៊ុន Sabay នេះទេ។ ពិតជាអរគុណខ្លាំងណាស់”។
ចូលរួមអបអរសាទរ Power Girls! ប្រិយមិត្តមានពាក្យពេចន៍អ្វីជូនដល់ក្រុមនារីឆ្នើម Power Girls នេះទេ៕
អត្ថបទ៖ ភីឆាយ