ប្រភពមកពី Sabay:ទន្ទឹម​មាន​ការ​ជជែក​គ្នា​យ៉ាង​ច្រើន​ ជុំវិញ​ព័ត៌មាន​ដែល​ថា Nokia នឹង​យក Android OS មក​បំពាក់​លើ​ទូរសព្ទ​របស់​ខ្លួន​នោះ ឥឡូវ​ស្រាប់​តែ​បែក​រូបរាង Smartphone ដែល​មាន​ឈ្មោះ “Normandy” នៅ​លើ​បណ្ដាញ​សង្គម Twitter គួរ​ឱ្យ​សង្ស័យ។
អត្ថបទ៖ លេច​ទូរសព្ទ Nokia ប្រើ Android!
សង្កេតមើល​​ប៊ូតុង​របស់​ទូរសព្ទ​នេះ មាន​ទីតាំង​ស្ថិត​នៅ​ក្រោម​អេក្រង់ LCD ដូច​ជា​រូប​បែក​ធ្លាយ​មុនៗ​ដែរ។ លក្ខណៈ​សម្បត្តិ​ដែល​គេ​រំពឹង​នៅ​លើ​ទូរសព្ទ Nokia ដែល​ល្បី​ថា​នឹង​ប្រើ Android នេះ រួម​មាន៖ បំពាក់ chip Qualcomm Snapdragon 200 SoC អេក្រង់ ៤អ៊ីញ​ប្រភេទ FWVGA កាមេរ៉ា 5MP ប្រើ Android 4.4.1 KitKat។
គេ​រំពឹង​ទៀត​ថា Normandy នឹង​ជា​ស៊េរី​ទូរសព្ទ​តម្លៃ​ធូរ​ថ្លៃ ដែល​​ត្រូវ Nokia អាច​ប្រកាស​ចេញ​ផ្លូវការ​នៅ​អំឡុង​សមាជ​ទូរសព្ទ​ពិភពលោក (Mobile World Congress) ដែល​នឹង​ប្រារព្ធ​ធ្វើ​ចាប់​ពី​ថ្ងៃ​ទី២៤ ដល់ ២៧ ខែ​កុម្ភៈ​ខាង​មុខ​នេះ។
តើ​អាច​ទៅ​រួច​ទេ ​ថា Nokia ងាក​មក​Android វិញ?
សូម​ចុច​អាន៖ Nokia ងាក​ប្រើ​ Android ក្លាយ​​ជា​​ប្រធាន​​បទ​​ក្តៅ​​នៅ​​ថ្ងៃ​នេះ
ប្រែ​សម្រួល៖ ឈុន ហួរ
ប្រភព & រូបភាព៖ twitter