ព័ត៌មានថ្មីៗ

Sunday, December 22, 2013

សំបុត្រ Concert របស់ Lee Min Ho ៥០០០សន្លឹកលក់ដាច់គ្មានសល់ត្រឹម ២នាទី

7:59 PM

Im Tola

សំបុត្រ Concert របស់ Lee Min Ho ៥០០០សន្លឹកលក់ដាច់គ្មានសល់ត្រឹម ២នាទី

ប្រភពមកពី sabay

វាជារឿង ដែលមិនគួរឲ្យជឿ ដែលសំបុត្រ Concert របស់តារាសម្ដែង Lee Min Ho ចំនួន៥០០០សន្លឹកត្រូវបញ្ជាទិញតាមអ៊ីនធឺណិតអស់ភ្លាមៗត្រឹម២ នាទី។

តារាសម្ដែង Lee Min Ho នឹងស្វាគមន៍ឆ្នាំថ្មីតាមរយៈការប្រគំតន្ត្រីទេសចរណ៍ “My Everything” នៅពហុកីឡាដ្ឋាន Olympic Handball Gymnasium ក្នុងទីក្រុង សេអ៊ូល នៅថ្ងៃទី១៨ ខែមករា។ ទស្សនិកជនជាច្រើនសុទ្ធតែចង់ទស្សនាការប្រគំតន្ត្រីរបស់តួឯកក្នុង “The Heirs” រូបនេះ ដូច្នេះហើយគ្រាន់តែការលក់សំបុត្រចាប់ផ្ដើមភ្លាមកាលពីថ្ងៃទី១៩ ខែធ្នូនេះភ្លាម សំបុត្រចំនួន ៥០០០សន្លឹកក៏លក់ដាច់អស់ក្នុងរយៈពេល តែ២នាទីប៉ុណ្ណោះ។

អាន៖ តារាចម្រៀងស្រីកូរ៉េ ៥ រូបនេះស្អាតប្រៀបបាននឹងកូនក្រមុំតុក្កតាទៅហើយ

ថ្មីៗនេះដែរក៏មានព័ត៌មានផងដែរថា កម្មវិធីដេញថ្លៃសំលៀកបំពាក់ដែលគេស្លៀកសម្ដែង សម្រាប់កម្មវិធីសប្បុរសធម៌ បានទាក់ទាញអ្នកចូលមកដេញថ្លៃលើគេហទំព័រ ជាង១០ ០០០នាក់តែក្នុងរយៈពេលប៉ុន្មានវិនាទី ដែលធ្វើឲ្យ servers ត្រូវបិទភ្លាមៗ និងត្រូវបានបើកឲ្យដេញថ្លៃវិញនៅថ្ងៃបន្ទាប់។

Starhaus Entertainment ម្ចាស់ក្រុមហ៊ុនរបស់តារារូបនេះបានបញ្ជាក់ថា “ដើម្បីឆ្លើយតបទៅនឹងការសំណូមពរម្ដងហើយម្ដងទៀតពីសំណាក់អ្នក គាំទ្រ ពួកយើងនឹងរៀបចំការប្រគំតន្ត្រីមួយទៀត បន្ថែមពីលើការប្រគំតន្ត្រីរបស់ Lee Min Ho នៅក្នុងប្រទេសកូរ៉េ និងប្រទេសនានានៅអាស៊ីអាគ្នេយ៍កន្លងនេះ”។

នាពេលបច្ចុប្បន្ន Lee Min Ho កំពុងតែចូលរួមកម្មវិធីជួបជុំអ្នកគាំទ្រ នៅក្រៅប្រទេស ហើយក៏នឹងចូលរួមកម្មវិធី “2013 Baidu Fei Dian Awards” នៅទីក្រុងប៉េកាំង ប្រទេសចិន នៅថ្ងៃទី២២នេះ៕