ព័ត៌មានថ្មីៗ

Friday, October 31, 2014

សិក្ខាសាលារបស់សិស្សានុសិស្ស ផ្នែកទំនាក់ទំនងនិងសារព័ត៍មានឆ្នាំទី២ នែសាលាដុនបូស្កួខេត្តកែប

4:00 AM

Im Tola

ព្រះសីហនុ៖ នៅថ្ងៃ សុក្រ ទី ៣១ ខែ តុលា ឆ្នាំ ២០១៤ សិស្សានុសិស្សផ្នែកទំនាក់ទំនងសង្គម និង សាព៌ត័មាននៃសាលាដុន បូស្កូ ខេត្តកែប និងខេត្ត ព្រះសីហនុ ព្រមទាំងលោកពុកលី សំណាង (អធិការ នៃសាលាដុន បូស្កូ កែប) លោកគ្រូ អ្នកគ្រូ បានធ្វើដំណើរទៅកាន់ ឆ្នេរអូត្រេស ក្នុងគោលបំណងសិស្សានុសិស្សបង្កើនចំណងមិត្តភាព ហើយនឹងផ្លាស់ប្តូរបទពិសោធអោយគ្នាទៅវិញទៅមកផងដែរ។

ពួកគេបានទទួលទានអាហារថ្ងៃត្រង់នៅទីនោះ បន្ទាប់មកក៏បានងួចទឹកសមុត្រ និងលេងល្បែកំសាន្តសប្បាយៗទាំងអស់គ្នា។

ក្រោយពីត្រឡប់មកពីឆ្នេរអូត្រេសវិញសិស្សានុសិស្សខេត្ត កេប រួមទាំងខេត្តព្រះសីហនុ បានធ្វើការប្រកួតកីឡាបាល់ទាត់ ជាមួយសិស្សានុសិស្សស្នាក់ក្នុងសាលាបច្ចេកទេសដុនបូស្កូរ ខេត្តព្រះសីហនុ។ ការប្រកួតនេះប្រព្រឹត្តទៅរយៈពេល ១ម៉ោង ចាប់ពីម៉ោង ៣រហូតដល់ ៤ ល្ងាច ហើយធ្វើឡើងក្នុងបំណងបង្កើនចំណងមិត្តភាព និងដើម្បីសុខភាពផងដែរ។

លិតផលក្រោយ ខាងសិស្សានុសិស្សផ្នែកទំនាក់ទំនងឆ្នាំទី២ (ខេត្ត កេប និង ព្រះសីហនុ) ឈ្នះចំនួនមួយគ្រាប់ គឺ២ ទល់ ១។ គួរបញ្ជាក់ផងដែរថា កាលពីម្សិលមិញ ក៏មានការប្រកួតកីឡាដែរ ដែរបែងចែកជា ២ ក្រុម គឺ ក្រុមយុវនារី ខេត្តកែប នឹង យុវនារី ខេត្តព្រះសីហនុ ប្រកួតកីឡា បាល់ទះ ហើយជ័យជំនះបានទៅលើ ក្រុមយុវនារី ខេត្តព្រះសីហនុ។ ចំនែកឯក្រុមយុវជនវិញនោះ ប្រកូតកីឡាបាល់ទាត់ ហើយជ័យជំនះ បានទៅលើ ក្រុមយុវជន ខេត្តកែប។ សិក្ខាសាលានេះប្រព្រឹត្តទៅរយះពេល២ថ្ងៃ ចាប់ពីថ្ងៃទី៣០ ដល់ ៣១ ខែតុលា ឆ្នាំ ២០១៤។

សក្មមភាពលេងទឹកនៅឆ្នេរ អូត្រេស

អត្ថបទ អ៊ឹម តុលា

Tuesday, October 28, 2014

កម្ពុជារៀបចំប្រារព្ធ ខួប១០ឆ្នាំ នៃការឡើងគ្រងរាជ្យ របស់ព្រះមហាក្សត្រ

7:19 PM

Im Tola

ភ្នំពេញ៖ រាជរដ្ឋាភិបាលបានរៀបចំប្រារព្ធពិធីខួប ១០ឆ្នាំ នៃការគ្រងព្រះបរមរាជសម្បត្តិ របស់ព្រះ មហាក្សត្រ ព្រះ ករុណា ព្រះមហាក្សត្រ ព្រះបាទ សម្តេច ព្រះបរមនាថ នរោត្តម សីហមុនី នៅថ្ងៃទី២៩ ខែតុលា ឆ្នាំ ២០១៤ យ៉ាង មហោឡារិក ឲ្យស័ក្តសមទៅនឹងព្រះកិត្តិនាម របស់ព្រះអង្គ។

ពិធីអបអរសាទរខួប ១០ឆ្នាំ នៃការយាងគ្រង ព្រះបរមរាជសម្បត្តិរបស់ព្រះមហាក្សត្រខ្មែរ នាព្រឹកនេះ បានរៀបចំ មិទ្ទិញមហាជន មានអ្នកចូលរួម ប្រមាណជាង ២ ម៉ឺននាក់ មានមហាជនមកពីគ្រប់ខណ្ឌ, កងកម្លាំងប្រដាប់អាវុធ, យុវជនកាកបាទក្រហម, កាយឫទ្ធិ និងឥស្សរជនថ្នាក់ដឹកនាំរដ្ឋ ក្រសួង ស្ថាប័ន មន្ទីរ អង្គភាព និង តំណាងរាជធានី ខេត្តទាំង២៥។

ចំពោះអ្នកចូលរួម តម្រូវឲ្យពាក់ស្លាកសញ្ញា សម្គាល់ចេញដោយគណ:កម្មាការបុណ្យជាតិ។ នៅតាមបណ្តាខេត្ត ក្រុង ក៏បានប្រារព្ធព្រះរាជពិធីថ្វាយព្រះពរជ័យ ដល់អង្គព្រះមហាក្សត្រផងដែរ។

សម្តេចចៅហ្វាវាំង បានបន្ថែមថា នៅពេលប្រារព្ធពិធីគម្រប់ខួប នៅក្នុងព្រះបរមរាជវាំងមានកម្មវិធី ច្រើនជាងកន្លែង សាធារណៈ ដែលត្រូវធ្វើឲ្យបានសមរម្យ ដោយអស់នាម៉ឺន គ្រប់មុខមន្ត្រី អង្គទូតជាដើម ត្រូវចូលរួមអបអរសាទរ និងថ្វាយព្រះពរដល់ព្រះអង្គ។

ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ទ្រង់ព្រះប្រសូតនៅថ្ងៃទី១៤ ខែ ឧសភា ឆ្នាំ១៩៥៣ នៅរាជធានីភ្នំពេញ ដែលត្រូវជាបុត្រា របស់ព្រះករុណា ព្រះបាទ សម្តេចព្រះនរោត្តម សីហនុ និងសម្តេចម៉ែ ព្រះ នរោត្តម មុនីនាថ សីហនុ ហើយព្រះអង្គបានយាងគ្រងព្រះបរមរាជសម្បត្តិនៅថ្ងៃទី១៤ ខែតុលា ឆ្នាំ២០០៤។

ក្នុងរយៈពេល១០ឆ្នាំ នៃការគ្រងព្រះបរមរាជសម្បត្តិនេះ ព្រះករុណា ព្រះបាទ សម្តេចព្រះបរមនាថ នរោត្តម សីហ មុនី តែងបានបំពេញព្រះរាជកិច្ចយ៉ាងឧត្តុង្គឧត្តម ដើម្បីជាប្រយោជន៍ដល់ប្រជារាស្រ្តរបស់ព្រះអង្គ ក្នុងវិស័យសង្គម កិច្ច វប្បធម៌ អប់រំ សុខាភិបាល ព្រមទាំងព្រះរាជសកម្មភាពមនុស្សធម៌ជាច្រើនផ្សេងទៀត។

ក្រោមម្លប់ដ៏ត្រជាក់ត្រជុំ នៃព្រះបារមី របស់អង្គព្រះមហាក្សត្រ បានធ្វើឲ្យប្រទេសកម្ពុជា បានបន្តនូវសុខសន្តិភាព និងនាំមកនូវភាពរីកចម្រើន និងការអភិវឌ្ឍន៍សម្រាប់ដែនដីសុវណ្ណភូមិ និងប្រជារាស្រ្តខ្មែរទាំងមូល៕

ប្រភពពី Dap-News

Audi Q5 ស៊េរី ២០១៥ មកដល់ទីផ្សារកម្ពុជាចុងឆ្នាំ ២០១៤

2:29 AM

Im Tola

ប្រភពពី Sabay
Audi បានដាក់បង្ហាញរថយន្តប្រណីត Audi Q5 ស៊េរីឆ្នាំ ២០១៥ ដែលនឹងវាយលុកទីផ្សារប្រទេសកម្ពុជានៅចុងឆ្នាំនេះ។ រថយន្តនេះ ក្រុមហ៊ុនអះអាងថា ត្រូវបានរចនាឡើងយ៉ាងពិសេស សម្រាប់គ្រួសារទាន់សម័យ។

លោក Laurent Genet នាយកគ្រប់គ្រង Automotive Asia ឲ្យដឹងថា Q5 ត្រូវបានរចនាឡើងយ៉ាងពិសេសសម្រាប់គ្រួសារថ្មីថ្មោង ដែលត្រូវការប្រភេទរថយន្តដែលមានភាពទាក់ទាញ និងទាន់សម័យ។

Q5 ដំណើរការដោយ ៤ ម៉ាស៊ីនប្រើសាំង ជាមួយបច្ចេកវិទ្យា Direct Fuel injection និងប្រព័ន្ធ Turbocharging និង Audi Valve Lift ដែលជំរុញការបើកបរមានសន្ទុះលឿននិងមានលំនឹងល្អ។ Q5 សន្សំសំចៃបំផុតដោយ ១០០ គីឡូម៉ែត្រប្រើថាមពលអស់ជិត ៨ លីត្រប៉ុណ្ណោះ។

លោក Laurent Genet អះអាងថា Q5 នឹងក្លាយជាគូប្រជែងរថយន្តប្រណិតដទៃទៀតដូចជា Macan របស់ Porsche, X3 របស់ BMW និង GLK របស់ Mercedez-Benz ជាដើម។ Audi Q5 ត្រូវគេបញ្ជាក់តម្លៃលក់ចាប់ពី ៨ ម៉ឺនដុល្លារដោយមានការធានារយៈពេលពីរឆ្នាំ។ រថយន្តនេះគ្រោងនាំមកលក់លើទីផ្សារប្រទេសកម្ពុជានៅចុងឆ្នាំ ២០១៤ នេះ។

Monday, October 27, 2014

ការចុះទៅសម្អាតបរិស្ថានឆ្នេរអូឈើទាលរបស់សណ្ឋាគារ Moon Julie Hotel

2:01 AM

Im Tola

ព្រះសីហនុ ថ្ងៃទី ២៥ ខែ តុលា ឆ្នាំ ២០១៤ ក្រោមការដឹកនាំរបស់គណៈគ្រប់គ្រងសណ្ឋាគារ រួមទាំងក្រុមការងារទាំងអស់របស់ សណ្ឋាគារ Moon Julie Hotel បានជួបជុំគ្នាក្នុងគោលបំណង ដើម្បីចុះទៅសម្អាតបរិស្ថានឆ្នេរអូឈើទាល។ ដែលព្រឹត្តការណ៍នេះចាប់ផ្តើមពីម៉ោង ៣ រសៀល រហូតដល់ម៉ោង ៥ ល្ងាច ដែលធ្វើការសម្អាតចាប់ពី បណ្តោយផ្លូវ២៣ តុលា រហូតទៅដល់ឆ្នេរសមុទ្រ ហើយបន្តសម្អាតតាមឆ្នេរសមុទ្រ ហើយបកមកទីតាំងដើមវិញ។ តាមសម្តីរបស់លោក Op Sarom (អ្នកគ្រប់គ្រងទូទៅសណ្ឋាគារ Moon Julie Hotel) បាននិយាយថា ការសម្អាតនេះគឺបង្កើតឡើងក្នុងគោលបំណងរូមគ្នាដើម្បីបដិសណ្ឋារកិច្ច ទីក្រុងស្អាត រមណីដ្ឋានស្អាត សេវាល្អ។ សម្រាប់ព្រឹត្តការណ៍នេះផងដែរលោកក៏បានបញ្ជាក់បន្ថែមទៀតថាសកម្មភាពនេះបង្កើតឡើងដើម្បីអោយភ្ញៀវជាតិ នឹង អន្តរជាតិដឹងថាឆ្នេរសមុទ្ររបស់យើងជាឆ្នេរស្អាត។ ហើយយោងតាមគោលគំនិតរបស់មន្ទីទេសចរណ៏គឺបរិស្ថានស្អាតគឺចាប់ផ្តើមពីយើងទាំងអស់គ្នា។ដោយឡែកតាមមតិនឹងប្រសាស្រ្តស្រដៀងនេះផងដែរ លោក ប្រធានមន្ទីទេសចរណ៏បានបកស្រាយលម្អឹតប្រាប់ថា៖ កត្តាដែលធ្វើអោយមានសម្រាមនៅលើឆ្នេររួមមាន ២ ចំនុចធំៗ ដែលចំនុចទីមួយនោះគឺមកពី អជីវករ និង ទីពីរ គឺ ភ្ញៀវទេសចរណ៍។ ហើយគោលបំណងនៃការសម្អាតឆ្នេរនេះធ្វើឡើងដើម្បី៖ជានិមិត្តរូប និង ជាគំរូសម្រាប់ម្ចាស់អ្នកលក់ដូរ ក៏ដូចជាភ្ញៀវទេសចរណ៍ទាំងអស់ដែលមកកម្សាន្តនៅឆ្នេរអូឈើទាលនេះ អោយមានការយកចិត្តទុកដាក់និងចូលរួមសម្អាតទាំងគ្នាដើម្បីបរិស្ថាន ដើម្បីធ្វើយ៉ាងណាអោយឆ្លើយតបទៅនឹងឆ្នេរសមុទ្រកម្ពុជាដែលជាប់ជាឆ្នេរសមុទ្រស្អាតជាងគេបំផុតនៅលើពិភពលោកនេះ។ ជាចុងក្រោយ ខ្ញុំសុំអំពាវនាវអោយចូលរួមទាំងអស់គ្នា មិនថាសណ្ឋាគារ Moon Julie ទេ ប៉ុន្តែគឺសុំគ្រប់ស្ថាប័នទាំងអស់គ្នា ហើយមន្ទីទេសចរណ៍ ខេត្តព្រះសីហនុស្វាគមន៍ជានិច្ច ក្នុងការសហការ សំអាតបរិស្ថានឆ្នេរ!!!

ដូចឆ្នេះពួកយើងទាំងអស់គ្នាត្រូវចងចាំថា “បរិស្ថានស្អាតគឺចាប់ផ្តើមពីយើងទាំងអស់គ្នា”។

សកម្មភាពសម្អាតឆ្នេរ

ស្រីម្នាក់កើតជំងឺ ភ័យរន្ធត់មិនហ៊ាន មើលមុខរបស់លោក Simon Cowell

1:24 AM

Im Tola

អង់គ្លេស៖ ស្រីម្នាក់ត្រូវបានគ្រូពេទ្យចេញវេជ្ជបញ្ជាឲ្យប្រើថ្នាំ បន្ថយភាព ទុក្ខព្រួយដើម្បី ប្រឆាំងនឹងជំងឺភ័យខ្លាច មុខម្ចាស់កម្មវិធី X Factor លោក Simon Cowell។ អ្នកមានឥទ្ធិពលផ្នែកតន្ត្រី លោក Simon Cowell បានផ្តល់សេចក្តីរាយការណ៍ថារូបលោក ចងជួបស្ត្រីម្នាក់ដែលអះអាង ថាបានទទួលរងនូវជំងឺ ភ័យក្លាចនៅពេលឃើញ មុខរបស់លោកនោះ។ ស្ត្រីកូន៣វ័យ៤២ឆ្នាំ អ្នកស្រី Michelle Hall រស់នៅក្នុងទីក្រុង Houghton-le-Spring ប្រទេសអង់គ្លេសបាន ចាប់ផ្តើមមានជំងឺភ័យខ្លាចធ្ងន់ធ្ង គ្រប់ពេលដែលបានឃើញ មុខរបស់លោក Simon Cowell អស់រយៈពេលជិត មួយទសវត្សរ៍កន្លងមកហើយ។ Michelleបាននិយាយថាគាត់បានទទួលរងជំងឺភ័យខ្លាច មុខគណៈកម្មការ X Factorម្នាក់នេះយ៉ាងអាក្រក់ ហើយវាអាចបំផ្លាញ់ជិវិត របស់គាត់បាន។បច្ចុប្បន្នជំងឺចម្លែកមួយនេះកំពុង តែធ្ងន់ធ្ងទៅៗរហូតគ្រូពេទ្របានចេញ វេជ្ជបញ្ជាឲ្យប្រើថ្នាំបន្ថយ ការភ័យខ្លាចដើម្បីប្រឆាំង និងជំងឺខ្លាចមហាសេដ្ឋរូបនោះ។ អ្នកស្រីនិយាយថា កូននិងប្តីរបស់គាត់ចូលចិត្តមើលកម្មវិធី X Factor ណាស់ធ្វើឲ្យគាត់ត្រូវរត់គេចពីពួគ គេព្រោះតែក្លាយឃើញ មុខលោក Simon Cowell បណ្តាលឲ្យគេភ័យរន្ធត់៕

ប្រភពពី looking Today

Friday, October 24, 2014

កម្លាំង នគរបាលខណ្ឌ ពោធិ៍សេនជ័យ ឃាត់ខ្លួន ជនសង្ស័យម្នាក់ ពីបទលួចម៉ូតូ

8:33 AM

Im Tola

ប្រភពពី Dap_News

ភ្នំពេញៈ ជនសង្ស័យត្រូវបានកម្លាំងមានសមត្ថកិច្ចនគរបាលខណ្ឌពោធិ៍សែនជ័យ ធ្វើការឃាត់ខ្លួន បន្ទាប់ពីបានធ្វើ សកម្មភាពលួចម៉ូតូរបស់ជនរងគ្រោះជាសិស្សសាលាម្នាក់ ។ ហេតុការណ៍នេះបានកើតឡើងកាលពី វេលាម៉ោង១៣ និង ៥០នាទី ថ្ងៃទី២៤ ខែតុលា ឆ្នាំ២០១៤ នៅចំណុចតារាងបាល់ ភូមិផ្សារកំបូល សង្កាត់កំបូល ខណ្ឌពោធិ៍សែនជ័យ។

ជនសង្ស័យដែលកម្លាំងសមត្ថកិច្ច ធ្វើការឃាត់ខ្លួនខាងលើ មានឈ្មោះ ថា សេងថង ភេទប្រុស អាយុ៣០ឆ្នាំ មុខរបរមិនពិតប្រាកដ មានទីលំនៅភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ។ ចំណែកជនរងគ្រោះឈ្មោះ ឆយ ច័ន្ទសារិន ភេទបុ្រស អាយុ១៦ឆ្នាំ មុខរបរសិស្ស មានទីលំនៅភូមិកំរៀង សង្កាត់កន្ទោក ខណ្ឌពោធិ៍សែនជ័យ។

បច្ចុប្បន្នជនសង្ស័យត្រូវបានកម្លាំងសមត្ថកិច្ច នាំខ្លួនយកទៅសួរនាំនៅអធិការដ្ឋាននគរបាល ខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅ កាន់តុលាការ៕

នី មុនីនាថ លូកថ្លើម សុគន្ធ

8:24 AM

Im Tola

ប្រភពពី Looking TOday

ភ្នំពេញ៖ តារាសម្ដែងល្បីល្បាញ ពូកែខាងសម្រក់ទឹកនេត្រា ស្ទើរគ្រប់រឿងកញ្ញា នី មុនីនាថ បានពើបប្រទះរឿងរ៉ាវ អាស្រូវជាច្រើន នាពេលបច្ចុប្បន្ននេះ ខណៈទើបតែត្រូវបាន គេបង្ហើបថា នាងបណ្ដើរប្រុសក្មេង ជាមនុស្សភេទទី៣ (ខ្ទើយ) ធ្វើឲ្យនាងក្ដៅចុងច្រមុះ នឹងព័ត៌មាននេះ ជាពន់ពេក ហើយបានចេញមុខភ្លាមៗ មិនបង្អង់យូរឡើយ។ ព័ត៌មានជាបន្តបន្ទាប់ បានបន្សាបរឿងរ៉ាវមិនល្អ ពីនាងបានច្រើនគួរសម ។

ប៉ុន្តែថ្មីៗនេះ នី មុនីនាថ ត្រូវបានប្រភពដ៏កក់ក្ដៅមួយ បានបង្ហើបថា នាងមានរឿងរ៉ាវថ្មីៗ មកទៀតហើយ គឺកំពុងតែលូកថ្លើមស្រីស្រស់ រត់ចោលទ្រនំស្នេហ៍ សុគន្ធ នីសា ជាតារាចម្រៀង ល្បីល្បាញ ក្នុងផលិតកម្ម ថោន និងត្រូវបានគេចាត់ទុកថា ជាតារាចម្រៀងស្រី សុភាពរាបសារ គ្មានរឿងរ៉ាវអាស្រូវឡើយ។ ប្រភពដដែល បាននិយាយថា នី មុនីនាថ ទើបតែស្គាល់បុរសម្នាក់ ជាអាណិកជនអាម៉េរិក ជាគូស្នេហ៍ថ្មី របស់សុគន្ធ នីសា ជាបុរសម្នាក់ ដណ្ដើមសុគន្ធ នីសា ពីកវីអភ័ព្វស្នេហ៍ លោក សុខ ជំនោរ ។

ក្រោយស្គាល់គ្នា មិនបានប៉ុន្មានថ្ងៃផង ស្រាប់បុរសអាម៉េរិកម្នាក់នោះ បានទិញទូរស័ព្ទ iPhone 6 ឲ្យ នី មុនីនាថ ប្រើប្រាស់ភ្លាមៗ ទាន់ចិត្តក្ដៅតែម្ដង ។ រីឯ នី មុនីនាថ វិញក៏ពេញចិត្តពេញថ្លើម ញញឹមញញែម បិទមាត់មិនជិតឡើយ ក្រោយទទួលវត្ថុអនុស្សាវរីយ ជាទីគាប់ចិត្តនោះ ។ ប្រភពព័ត៌មានខាងលើ បានបង្ហើបឲ្យដឹងទៀតថា ថ្ងៃបន្ទាប់មកទៀត នី មុនីនាថ បានទៅ KTV Venes ជាមួយបុរសនោះតែពីរនាក់តទល់ ដោយគ្មានវត្តមានម្ដាយរបស់នាងទៅជាមួយឡើយ ។ ផ្ទុយស្រឡះពីពេលមុនដែល នី មុនីនាថ តែងតែស្ពាយម្ដាយតាមជានិច្ច ។

រីឯបុរសតាមស្នេហ៍ នី មុនីនាថ នោះមិនមែនជាបុរសទំនេរឡើយ ព្រោះមិនទាន់ដាច់ស្រឡះពី សុគន្ធ នីសា ឡើយ តែគេហាក់ចង់ប្រលោមស្នេហ៍ តារាល្បីក្នុងស្រុកខ្មែរ ឲ្យអស់ ឬយ៉ាងណា? ព្រោះលោកជាអ្នកស្ពនស័រ ដ៏ល្បីឈ្មោះ លើទឹកដីអាម៉េរិក គ្មានអ្នកណា ដែលលោកធានាហើយ មិនបានជាន់ដីអាម៉េរិកទេ ។ ដូចនេះគ្រាន់តែលោកយកប្រាក់ធ្វើជានុយនោះ អាចស្ទូច បានបេះដូងនារីៗ ជាច្រើនក្នុងស្រុក មិនថាល្បី ឬមិនល្បីដោយងាយ ។ រីឯតារាចម្រៀងស្រី សុគន្ធ នីសា មិនបានដឹងរឿងរ៉ាវ អស់ទាំងនេះនៅឡើយ ព្រោះនាងរវល់ជាមួយអាជីព គ្មានពេលទំនេរ ដើរស៊ើបរឿងរ៉ាវអស់ទាំងនេះឡើយ ។

ចំណែកតារាសម្ដែង នី មុនីនាថវិញ ក៏មិនមែនទំនេរដែរ នាងត្រូវបានប្រភពដទៃ បានបង្ហើប ថាជិតដល់ថ្ងៃភ្ជាប់ពាក្យភ្ជាប់សម្ដី ជាមួយបុរសម្នាក់ ផ្សេងទៀត ក្នុងពេលឆាប់ៗនេះហើយ ។ តែរឿងរ៉ាវ ទាំងអស់នេះ ហាក់ប្រទាក់ក្រឡាគ្នា ដូចក្នុងរឿងភាគចិន ខណៈតួអង្គហាក់មានសភាព រញ៉េរញ៉ៃ រកបកស្រាយមិនត្រូវ ។

ជុំវិញព័ត៌មានដ៏រសើបនេះ គេហទំព័រ Looking TODAY មិនទាន់អាចសុំការបំភ្លឺ ពីតារាសម្ដែងល្បី នី មុនីនាថ ក៏ដូចជាតារាចម្រៀងសំនៀងស្រទន់ សុគន្ធ នីសា បានទេក្នុងពេលនេះ ៕

មិនបាច់ឲ្យប្រពន្ធចងក្រវាត់កឲ្យ គឺចងខ្លួនឯង

8:17 AM

Im Tola

បុរសៗមួយចំនួនដែលមានគូតែងតែចង់ប្រើភាពផ្អែមល្ហែមដោយឲ្យប្រពន្ធចងក្រវាត់កឲ្យ។ ចុះសម្រាប់អ្នកគ្មានគូវិញ អ្នកណាចង់ឲ្យ? ជួនកាលទៀតការខ្ជិលចងខ្លួនឯង គឺសុខចិត្តទិញក្រវាត់កមានរូតដែលខ្លួនមិនពេញចិត្ត។ បើទិញក្រវាត់កមានខែរូតក៏ម្យ៉ាងដែរ ប៉ុន្តែមិនអាចកុម្ម៉ង់តាមត្រូវការសម្រាប់មនុស្សទូទៅបានទេ ព្រោះអាចវែង ឬ ខ្លី ដែលពាក់ទៅមិនសម។ ដូច្នេះដើម្បីជ្រើសរើសម៉ូដក្រវាត់កដ៏ស័ក្ដិសមដោយមិនរួញរា គឺត្រូវចងខ្លួនឯង ដូចក្នុងវីដេអូ។

វីដេអូ

https://www.youtube.com/watch?v=T0NPYZyI7V8

ហាងឆេងម៉ូតូនៅព្រឹកនេះក៏កំពុងក្តៅគគុកដែរ

8:11 AM

Im Tola

ប្រភពពី sabay
ងាកពីទីផ្សារទូរសព្ទដែលបានពុះកញ្រ្ជោលជាងមួយខែ ជាពិសេសបន្ទាប់ពីការបង្ហាញខ្លួនរបស់ iPhone 6/6 Plus នៅព្រឹកនេះ Sabay សូមនាំប្រិយមិត្តមកចាប់អារម្មណ៍ពីទីផ្សារតម្លៃម៉ូតូ ក៏កំពុងក្តៅគគុកយ៉ាងខ្លាំងដែរ។

8:01 AM

Im Tola

៤ បទ របស់ ខាន់ ជេមស៍ The Voice Cambodia យកទៅច្រៀង ជាប់ទាំងអស់

ប្រភពពី Sabay

បទ ” សំរែកបេះដូង, ស្ដាយក្រោយ ,គ្មានលើកទី២ និង បទ មិនស្រលាញ់អាណិតបងធ្វើអ្វី” របស់តារាចម្រៀង លោក ខាន់ ជេមស៍ តារាចម្រៀងក្នុងផលិតកម្មសាន់ដេ ត្រូវបានបេក្ខជនមួយចំនួនយកទៅច្រៀងនៅក្នុង កម្មវិធីប្រលងចម្រៀងស្តង់ដារពិភពលោក The Voice Cambodia។ បេក្ខជនទាំងអស់ដែលជ្រើសបទចម្រៀង លោក ខាន់ ជេមស៍ ទៅច្រៀងសុទ្ធតែបានជាប់ឈានដល់វគ្គបន្តដូចគ្នា។

លោក ខាន់ ជេមស៍ បានប្រាប់ sabay ថា លោកមានអារម្មណ៍សប្បាយរីករាយជាខ្លាំងនៅពេល ដែលបទចម្រៀងរបស់លោកត្រូវបាន កម្មវិធី The Voice Cambodia របស់ស្ថានីយទូរទស្សន៍ហង្សមាសយកទៅច្រៀងបែបនេះ។ លោកខាន់ ជេមស៍ បានសរសើរនូវសំឡេង បេក្ខជនទាំងនោះ។ លោកបន្ដថា ពួកគេទាំង ៣ នាក់ ពិតជាមានសំឡេង ល្បី មិនចាញ់តារាចម្រៀងអាជីពឡើយ ។

តារាចម្រៀងមានកំណើតមកពីផលិតកម្ម Rock ម្នាក់នេះ បានដឹងឲ្យដឹងថា នៅពេល ដែលលោកទំនេរ លោកតែងតែតាមដានកម្មវិធីប្រលងចម្រៀង ខ្នាតអន្តរជាតិនេះជានិច្ច ពិសេសតាមដានបេក្ខជនដែលយកបទចម្រៀងរបស់លោកមកច្រៀងតែម្ដង ជាមួយគ្នានោះ លោកក៏បានជួនពរដល់បេក្ខជនទាំង ៣ ទទួលបានភាពជោគជ័យឈានទៅដល់វគ្គបន្ត។

មិនមែនមានតែបទចម្រៀង ខាន់ ជេមស៍ មួយទេ The Voice Cambodia ក៏បានលើកបទចម្រៀងល្បីៗ របស់តារាចម្រៀងផ្សេងទៀតផងដែរ។ បើតាមការឲ្យដឹងពីក្រុមការងារ The Voice Cambodia សូមមិនបញ្ចេញឈ្មោះបានឲ្យដឹងថា The Voice Cambodia មកទល់ពេលនេះ បានដំណើរការជាងកន្លះឆ្នាំហើយ ដោយមានបេក្ខជនដាក់ពាក្យទាំងជាង ៣ ពាន់ នាក់។

កម្មវិធីមួយនេះ មានទាំងអស់ ៤ វគ្គ ក្នុងនោះ មានវគ្គ Pre Audition, Blind Audition, Battle និង វគ្គ Live show ។ នៅថ្ងៃអាទិត្យខាងមុខនេះ និង ឈានដល់សប្ដាហ៍ទី ៣ វគ្គ Live show ហើយ ដោយវគ្គចុងក្រោយមានទាំងអស់ ៦ សប្ដាហ៍ ។

The Voice Cambodia សម្រេចជ្រើសរើស បេក្ខជន តែម្នាក់ប៉ុណ្ណោះ អ្នកដែលជាប់ និង ទទួលបានទឹកប្រាក់១០០លានរៀល ហើយនិងក្លាយទៅជាតារាចម្រៀងជាប់កុងត្រា ក្នុងផលិតកម្មរស្មីហង្សមាសថែមទៀតផង៕

ជម្ងឺវីរុសអ៊ីបូឡា

12:08 AM

Im Tola

ជម្ងឺវីរុសអ៊ីបូឡា កាលពីមុនត្រូវបានគេស្គាល់ថាជា ជម្ងឺក្ដៅខ្លួនមួយដែលធ្វើ អោយបាត់បង់ឈាម ខ្លាំង។ វាមានសភាពធ្ងន់ធ្ងរ និងជាញឹកញាប់គឺ សម្លាប់ជីវិតមនុស្ស។ ចាប់ផ្ដើមមានអត្រា ស្លាប់ ឈានដល់ ៩០%។ចាប់ផ្ដើមកើតឡើងដំបូងនៅភូមិដាច់ស្រយាល មួយចំនួននៅតំបន់អាហ្វ្រិក កណ្ដាល និង ខាងលិច នៅក្បែរតំបន់ព្រៃត្រូពិច។ វីរុសត្រូវបានបញ្ជូនទៅមនុស្សពីសត្វព្រៃ និងរីករាលដាលទៅមនុស្សជាភាគធំតាមរយៈការចម្លងពីមនុស្សម្នាក់ទៅមនុស្សម្នាក់។

សត្វប្រចៀវ ក្នុងពូជអម្បូរ (Pteropodidae) ត្រូវបានចាត់ទុកថាជាមូលហេតុបង្កឲ្យមាន វីរុសអ៊ីបូឡា។អ្នកជម្ងឺដែលឈឺធ្ងន់ធ្ងរត្រូវការការថែទាំយ៉ាងខ្លាំង។ គ្មានវ៉ាក់សាំង ឬការព្យាបាលជា ផ្លូវការណាដែលមានសុពលភាពសម្រាប់ការព្យាបាលទេ។

១. ការចម្លង

អ៊ីបូឡាត្រូវបានបញ្ជូនទៅមនុស្សតាមរយៈការប៉ះពាល់ដោយផ្ទាល់ជាមួយនឹងឈាម , វត្ថុរាវ, សារធាតុរាវនៃសរីរាង្គ និងរាងកាយនៃសត្វដែលបានឆ្លងជម្ងឺ។ នៅអាហ្វ្រិក ការឆ្លងត្រូវបាន កត់ត្រាទុកតាមរយៈការចាត់ចែងសាកសពនៃសត្វដែលមានដូចជា ស្វាឳ ប្រចៀវស៊ីផ្លែឈើ ស្វា ថនិកសត្វម្យ៉ាងស្រដៀងឈ្លូស និងកាំប្រមា ដែលសត្វទាំងនេះបានឈឺ និងស្លាប់នៅព្រៃ។ក្រោយមក អ៊ីបូឡាបានរីករាលដាលទៅក្នុងសហគមន៍តាមរយៈការចម្លងពីមនុស្សទៅមនុស្ស ជាមួយនឹងការចម្លងដែលបណ្ដាលមកពីការប៉ះពាល់ផ្ទាល់ (ស្នាមរបួស) ដែលមានឈាម សារធាតុរាវនៃសរីរាង្គរបស់អ្នកជម្ងឺ និងប៉ះពាល់ដោយប្រយោលជាមួយបរិស្ថាន ដែលឆ្លងជា មួយសារធាតុរាវទាំងនោះ។

ពិធីបញ្ចុះសពរបស់សាច់ញាតិដែលបានប៉ះពាល់ដោយផ្ទាល់នៃសាកសពនៃបុគ្គលដែលស្លាប់ ក៏អាចដើរតួនាទីសំខាន់ជាមួយការចម្លងវីរុសអ៊ីបូឡា។ បុរសដែលបានជាសះស្បើយពីជម្ងឺ ក៏នៅតែអាចចម្លងវីរុសតាមរយៈស្ពែមរបស់បុរសចាប់ពី ៧ សបា្ដហ៍ ក្រោយជាសះស្បើយ។

២.រោគសញ្ញា

ការលេចឡើងនៃការក្ដៅខ្លួន
អស់កម្លាំងខ្លាំង
ឈឺសាច់ដុំ
ឈឺក្បាល
ឈឺបំពង់ក

រោគសញ្ញាទាំងនេះអមជាមួយនឹង ក្អួត , រាក,ឡើងកន្ទួលក្រហមលើ ស្បែក ,ប្លោកនោមនិងថ្លើមចុះខ្សោយហើយនៅក្នុងករណីខ្លះមានការហូរឈាមទាំងនៅក្នុងខ្លួន និងក្រៅខ្លួនផងដែរ។ មនុស្សអាចចម្លងជម្ងឺបាន កាលណាក្នុងឈាម និងសារធាតុរាវក្នុង ខ្លួនរបស់គេផ្ទុកវីរុស។ វីរុសអ៊ីបូឡានៅដាច់ដោយឡែកពីទឹកស្ពែមរយៈ ៦១ ថ្ងៃ ក្រោយពេលលេច ឡើងនូវជម្ងឺនៅក្នុងខ្លួនបុរសដែលបានឆ្លងវីរុស។

៣.វ៉ាក់សាំង និងការព្យាបាល

គ្មានវ៉ាក់សាំងជាផ្លូវការណាកំពុងមាន និងអាចប្រើប្រាស់បានក្នុងពេលបច្ចុប្បន្នទេ។ វ៉ាក់សាំងមួយចំនួនត្រូវបានពិសោធន៍ ប៉ុន្ដែគ្នាមួយណាអាចយកមកប្រើបាននៅឡើយទេ។ អ្នកជម្ងឺធ្ងន់ធ្ងរត្រូវការការថែទាំងយ៉ាងយកចិត្ដទុកដាក់ជាទីបំផុត។ អ្នកជម្ងឺជាញឹកញាប់បាត់បង់ជាតិទឹកក្នុងខ្លួន និងត្រូវការផ្ដល់ទឹកផឹកដែលមានផ្ទុកសារធាតុ អេលីតត្រូលីត ឬ សារធាតុដែលជ្រាបចូលតាមសរសៃវ៉ែន។

៤.ការការពារ និងគ្រប់គ្រង

សត្វស្រុកត្រូវថែទាំ និងសម្អាតអនាម័យជាប្រចាំសម្រាប់កសិដ្ឋានចិញ្ចឹមជ្រូកស្វាដែលមិនមានជម្ងឺ។ ប្រសិនបើការចាប់ផ្ដើមនៃជម្ងឺត្រូវបានសង្ស័យ តំបន់នោះគួរ ត្រូវបានពិសោធន៍ភ្លាមៗ

ការកប់សាកសពសត្វត្រូវធ្វើដោយការត្រួតពិនិត្យយ៉ាងម៉ត់ចត់បំផុត ដើម្បីកាត់បន្ថយការ ប្រថុយប្រថាននៃការឆ្លងពីសត្វទៅមនុស្ស។ ឃុំឃាំងការធ្វើដំណើររបស់សត្វពីកសិដ្ឋាន ដែលឆ្លងជម្ងឺទៅតំបន់ផ្សេងទៀត។ មនុស្ស ក្នុងអំឡុងពេលដែលវាក់សាំង និងការព្យាបាលមិន ទាន់រកឃើញ ការលើកកម្ពស់ការយល់ដឹងនៃវីរុសអ៊ីបូឡា ជាវិធីតែមួយគត់ដើម្បី កាត់បន្ថយការឆ្លងទៅមនុស្ស។